Wednesday, June 18, 2014

ദന്തപ്പാല SWEET INDRAJAO



ദന്തപാല .വെണ്‍പാല എന്നുംപറയും 
മറ്റുപേരുകള്‍ :അയ്യപ്പാല, ഗന്ധപ്പാല
സംസ്കൃതം :ശ്വേതകുടജ
ഇംഗ്ലീഷ് :Sweet indrajao

പത്ത് മീറ്റര്‍ വരെ ഉയരം വയ്ക്കുന്ന ഈ മരം കേരളത്തില്‍ അത്ര വ്യാപകമല്ല .. കുറച്ചു വര്‍ഷങ്ങള്‍മുമ്പ് ചീമേനിയില്‍ ഒരു ക്യാമ്പിന് പോയപ്പോള്‍ വഴിയില്‍ നിന്നും കിട്ടിയതായിരുന്നു ഞങ്ങള്‍ക്ക് ... പറമ്പില്‍ ചെറുതായി മുമ്പ് വയക്കല്‍ നടന്നിരുന്നതിനാല്‍ പല പ്രാവശ്യം കത്തിയുടെ വായ്ത്തലയില്‍ പെട്ടെങ്കിലും , ഭാഗംവയ്പ്പ് കഴിഞ്ഞപ്പോള്‍ ഞങ്ങളതിനെ വേരോടെ മാന്തിയെടുത്ത് സംരക്ഷിയ്ക്കുകയാണ്..3 വര്‍ഷമായിപ്പോള്‍ വെട്ടില്ലാതെ അവള്‍ വളരുന്നു ..വേനലാകുമ്പോള്‍ ഇല മുഴുവന്‍ പൊഴിഞ്ഞു ,ഉണങ്ങിയ മാതിരിയാകും  മഴ വന്നയുടന്‍ വീണ്ടും തളിര്‍ക്കും .. 

ഒരുപാട് ഔഷധഗുണങ്ങള്‍ ഉണ്ട് ദന്തപ്പാലയ്ക്ക് .മുഖ്യമായും സോറിയാസിസിന് എതിരെയാണ് ഇത് ഉപയോഗിയ്ക്കുന്നത് .ഇതിന്‍റെ ഇലകള്‍ കൈ കൊണ്ട് പറിച്ചു ,ഒരു മണ്‍ച്ചട്ടിയില്‍ നുറുക്കിയിട്ട് അതില്‍ വെളിച്ചെണ്ണ ഒഴിയ്ക്കുക .1kg ഇലയ്ക്ക് 1 kgഎണ്ണ . ഇത് 7 നാള്‍ വെയിലത്ത് വച്ചശേഷം അരിച്ചെടുത്ത് കുപ്പിയില്‍ (പ്ലാസ്റ്റിക്ക് അരുത്) സൂക്ഷിയ്ക്കാം .. പുരട്ടിയ ശേഷം 2 മണിക്കൂര്‍ കഴിഞ്ഞു സോപ്പുപയോഗിക്കാതെ കുളിക്കണം ..വൈദ്യരുടെ നിര്‍ദേശപ്രകാരം കുടിക്കുകയും ചെയ്യാം ..മറ്റ് ചൊരി ചിരങ്ങുകള്‍ക്കും ഫലപ്രദമാണ്.. 

skin cancer.lung cancer, cervical cancer  എന്നിവയ്ക്കും വെണ്‍പാല ഉപയോഗിക്കാറുണ്ട്.. ഇതിന്‍റെ ഇല ചവയ്ക്കുന്നത് പല്ലുവേദന  ശമിപ്പിയ്ക്കും.ഇല അരച്ചത് മുണ്ടിനീരുവന്നാല്‍ പുരട്ടാന്‍ കൊള്ളാം . പണി വയറുവേദന എന്നിവയ്ക്കും ഉപയോഗിയ്ക്കാറുണ്ട് . സ്ത്രീകളിലെ വന്ധ്യതാ ചികില്‍സയില്‍ ,ദന്തപ്പാല,കരിനൊച്ചി, കീഴാര്‍നെല്ലി ഇവയുടെ ഇലകള്‍ പാലില്‍ ചേര്‍ത്ത് കഴിക്കാറുണ്ട് .. 

1 comments:

ajith June 18, 2014 at 7:07 PM  

ഈ ഇലകള്‍ കണ്ടിട്ട് ഒരു പരിചയം തോന്നുന്നു. മുമ്പെങ്ങാനും കണ്ടിട്ടുണ്ടോ ആവോ!

Related Posts with Thumbnails

എന്നെക്കുറിച്ച്

Followers

ഇതിലെവന്നവർ

Share/Bookmark

Feedburner

About This Blog

Powered by Blogger.

  © Free Blogger Templates 'Photoblog II' by Ourblogtemplates.com 2008

Back to TOP