തുള്ളന്മാർ....

ഇവൻ/ൾ പച്ചത്തുള്ളൻ. പുൽച്ചാടിയെ ഞങ്ങൾ ഇങ്ങനെ വിളിക്കാറുണ്ട്.ഇവർക്കൽ‌പ്പം പരിപാവനമായ ഒരു ഇമേജുണ്ട്.ലക്ഷിദേവി ഇവർക്കൊപ്പം എപ്പൊഴുമുണ്ടാകുമത്രെ..അതിനാൽ ദ്രോഹിക്കരുതെന്നും ഓടിക്കരുതെന്നുമൊക്കെ പ്രായമായവർ പറയാറുണ്ട്.മുസ്ലീം മതവിശ്വാസികളും ഇവനെ പള്ളിപ്പശു എന്നു വിളിച്ച് സംരക്ഷിച്ചിരുന്നു.. പക്ഷെ ഇന്ന് പുല്ലും പറമ്പിലെ മറ്റു പച്ചപ്പും ചെത്തിക്കോരി തീയിടുമ്പോൾ,വിഷം വാരിത്തുവുമ്പോൾ  ഭൂമിയുടെ ഈ അവകാശി എവിടെപ്പോകും?...

ഒരുപാടിനം തുള്ളന്മാരുണ്ട്...പച്ചയും തവിട്ടും പുള്ളിയുള്ളവയും വലുപ്പമേറിയവയും കുഞ്ഞന്മാരും പരന്ന ചിറകുള്ളവരും ഇലപോലുള്ള ചിറകുള്ളവരുമൊക്കെ...കുറച്ചുപേരെ ഇതാ ഇവിടെ...